ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Имрӯз, 16 сентябр дастаи мунтахаби Тоҷикистон оид ба футзал бозии нахустинро дар мусобиқоти Чемпионати ҷаҳон-2024 анҷом медиҳад. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар бозии ифтитоҳии гурӯҳи «Е» футзалбозони Тоҷикистон бо чемпиони Африқо – тими миллии Марокаш вомехӯранд.
Бозӣ дар маҷмааи варзишии «Ҳумо Арена»-и шаҳри Тошканд соати 20:00 оғоз мешавад.
Шабакаи телевизионии «Варзиш» ин рақобатро ба таври мустақим намоиш медиҳад.
Бознашр аз сомнаи расмии АМИТ «Ховар»
About The Author
