БАРГУЗОРИИ ШАНБЕГИИ УМУМӢ ДАР ҲАМАИ ҶАМОАТҲОИ ШАҲРАКУ ДЕҲОТ
Санаи 31 июли соли равон дар доираи дастуру супоришҳои бевоситаи раиси ноҳияи Ёвон муҳтарам Шарифӣ Бахтиёр Маҳмудзода дар доираи корҳои ободониву созандагӣ бо иштироки Раиси ноҳия муҳтарам Бахтиёр Шарифӣ дар ҳудуди ҳамаи ҷамоатҳои шаҳраку деҳоти ноҳия шанбегии умумӣ ноҳиявӣ ташкил карда шуд. Ҳамзамон дар шанбегии мазкур ҳамаи ташкилоту муассисаҳои ҳудуди шаҳрак дар назди биноҳои маъмурии худ ба шанбеги баромаданд.
Раиси ноҳия муҳтарам Бахтиёр Шарифӣ ба масъулин ҷиҳати тозаю озода нигоҳ доштани муҳити атроф ва мавзеъҳои сайру гашти сокинон, бо истифода аз қоидаҳои дурусти агротехникӣ ва боду ҳавои мусоид дастуру супоришҳо доданд.
Ҳамаи ин тадбирҳои созанда ба хотири дар амал татбиқ кардани сиёсати бобарору бунёдкоронаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон буда, бо иҷрои он, барои сокинону меҳмонони ноҳияи Ёвон шароити шоистаи кору зиндагӣ фароҳам гардида истодааст. Инчунин бо ташаббуси бевоситаи мақомоти иҷроияи ҳокимитяи давлатии ноҳия дар ҳудуди ноҳия ҳамаи шиору овезаҳо пурра нав карда шуда корҳои насби онҳо идома дорад.
About The Author
