ХИЗМАТРАСОНИҲОИ ТИББӢ БЕҲТАР КАРДА МЕШАВАНД.
Дар доираи ҷадвали тасдиқнамудаи раиси ноҳияи Ёвон муҳтарам Шарифӣ Бахтиёр бо мақсади шиносоии раиси ноҳия аз ҷараёни кишту кор, рафти таъмири муассисаҳои таҳсилоти миёнаи умумӣ ва муассисаҳои томактабӣ, фаъолияти бунгоҳу марказҳои саломатӣ, клубу китобхонаҳо, истифодаи заминҳои президенти ва наздиҳавлигӣ ва ошноӣ пайдо намудан аз шароити зисту зиндагонии мардум дар ҷамоати шаҳраки Ҳаёти санаи 13 августи соли равон раиси ноҳияи Ёвон муҳтарам Шарифӣ Бахтиёр аз шароити кории кормандони маркази саломатӣ маҳаллаи Саъди Шерозии ҷамоати мазкур дидан намуданд. Зимни боздид аз шароити кории кормандон ва сатҳи хизматрасонии тиббӣ ба аҳолӣ раиси ноҳия бо тамоми кормандон суҳбати самими анҷом дода аз шароити кории онҳо пурсон гардида, таъкид доштанд, ки соҳаи тандурустӣ яке аз соҳаҳои афзалиятноки ҷомеа буда дар даврони соҳибистиқлолии ватани азизамон зери роҳбарии Пешвои муаззами миллат муҳтарам Эмомалӣ Раҳмон дар тамоми гушаю канори мамлакат сохтмони биноҳои наву замонавии соҳаи тандурустӣ ба истифода дода шуда, сатҳи хизматрасонии тиббӣ беҳтару хубтар гардидааст. Ба раиси ноҳия иттилоъ дода шуд, ки бинои маркази саломатии мазкур бо ташаббуси бевоситаи мақомотаи иҷроияи ҳокимияти ноҳия ва саҳми соҳибкорону сокинони маҳал бунёдгардида, тамоми шароит барои кормандон фароҳам оварда шудааст. Ҳамзамон раиси ноҳия аз кормандони маркази саломатӣ даъват ба амал оварданд, ки хизматрасонии тиббиро ба аҳолӣ бозҳам хубтару беҳтар бароҳ монанд.
About The Author
