БУНЁДИ БИНОҲОИ ИЛОВАГИИ ТАЪЛИМӢ БО МАРОМ ИДОМА ДОРАД.
Дар пайрави аз сиёсаи маорифпарваронаи Аасосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ташаббуси бевоситаи раиси ноҳия муҳтарам Шарифӣ Бахтиёр бо мақсади баланд бардоштани таълиму тарбия дар муассисаҳои таҳсилоти миёнаи умумии ноҳия ва беҳтар гардонидани шароити илмоӯзии хонандагон дар назди якчанд муассисаҳои таълимӣ биноҳои нави иловагӣ ва синфхонаҳои иловагӣ сохта мешавад. Дар ин доира санаи 19 июли соли равон дар асоси нақшаи тасдиқгардида раиси ноҳия аз муассисаи таълимии рақами 6-и деҳаи Қамбарии ҷамоати деҳоти ба номи Гулсара Юсупова дидан намуданд. Бояд иброз дошт, ки дар назди муассисаи мазкур бинои нави иловагии замонавӣ бо дастгирии раиси ноҳия ва сармояи хориҷӣ бунёд гардида истодааст. Бинои нави иловагӣ аз ду ошёнаиборат буда дорои ҳашт синфхона ва як утоқи корӣ мебошад. Ба раиси ноҳия иттилоъ дода шуд, сохтмони бинои нави таълимӣ дар арафаи соли нави хониши 2024-2025 ба анҷом расонида мавриди баҳрабардори қарор дода мешавад. Раиси ноҳия ба роҳбарияти муассиса зимни суҳбат иброз доштанд, ки соҳаи маориф яке аз соҳаҳои калидӣ ва афзалиятноки Ҳукумати мамлакат ба шумор рафта зери таваҷҷуҳи бевоситаи Ассогузори сулҳу ваҳдати миллӣ Пешвои миллат муҳтарам Эмомалӣ Раҳмон қарор дошта аз замони аввали соҳибистиқлолии ватани азизамон то ба имрӯз дар ин самт як қатор корҳои назаррас ба сомона расонида шуда барои беҳтар гардидани шароити таълиму тарбия дар муассисаҳои таҳсилоти миёнаи умумӣ аз тамоми имкониятҳо истифода бурда мешавад. Ҳамзамон аз сохтмончиён даъват ба амал оварда шуд, ки ба сифати корҳои сохтмони диққати аввалиндараҷа зоҳир карда шавад. Инчунин дар аснои боздид раиси ноҳия аз фаъолияти муассисаи таҳсилоти миёнаи умумии рақами 65-и деҳаи Шурдараи ҷамоати деҳоти ба номи Гулсара Юсупова дидан намуданд.
About The Author
